ភ្នំពេញ: នារីម្នាក់បើករថយន្តស៊េរីទំនើបដឹកនារីម្នាក់ទៀតបើកលឿនដូចហោះ ដល់ផ្លូវបត់ស្តាំបួងចង្កូតមិនទាន់ជ្រុលបុករះកន្លែងលក់បាយឆា-មីឆា បណ្តាលឲ្យមនុស្សប្រុសស្រីពីរនាក់រងរបួសធ្ងន់។ ហេតុការណ៍នេះបានកើតឡើងកាលពីម៉ោងជិត១២យប់ ថ្ងៃទី៤ ខែវិច្ឆិកា ឆ្នាំ២០១៤ នៅតាមបណ្តោយផ្លូវព្រះមុនីវង្សកែងផ្លូវលេខ៨៤ ស្ថិតក្នុងសង្កាត់ស្រះចក ខណ្ឌដូនពេញ ខាងមុខមន្ទីរពេទ្យកាល់ម៉ែត ក្រោយពេលកើតហេតុអ្នកបើករថយន្តព្យាយាមបើករថយន្តរត់មកដល់ផ្លូវលេខ៨៦កែងផ្លូវលេខ៦៥ ក្បែរវត្តស្រះចក បានជ្រុលចង្កូតទៅបុកបង្គោលខ្សែភ្លើងដាច់កាឡេខាងឆ្វេងទៅមុខលែងរួច។
ប្រភពពត៌មាននៅកន្លែងកើតហេតុបានដឹងថា មុនពេលកើតហេតុគេឃើញរថយន្តរ៉េងរ៉ូវើរ ពណ៌ស អត់មានស្លាកលេខ បានបើកតាមផ្លូវព្រះមុនីវង្ស ក្នុងទិសដៅពីត្បូងទៅជើង ខណះមកដល់ចំណុចកើតហេតុរថយន្តបានបត់ស្តាំចូលផ្លូវលេខ៨៤ ក៏ជ្រុលបុករះកន្លែងលក់បាយឆា-មីឆា តុកៅអី បណ្តាលឲ្យមនុស្សប្រុសស្រីពីរនាក់ ដែលជាអ្នកលក់បាយឆា មីឆា រងរបួសធ្ងន់។
ក្រោយពេលកើតហេតុអ្នកបើករថយន្តព្យាយាមបើករថយន្តរត់មកដល់ផ្លូវលេខ៨៦កែងផ្លូវលេខ៦៥ ក្បែរវត្តស្រះចក បានជ្រុលចង្កូតទៅបុកបង្គោលខ្សែភ្លើងដាច់កាឡេខាងឆ្វេងទៅមុខលែងរួច។ ជនរងគ្រោះទាំងពីរនាក់ត្រូវបានរថយន្តសាមុយមន្ទីរពេទ្យកាល់ដឹកទៅសង្គ្រោះ ចំណែករថយន្តត្រូវបានសមត្ថកិច្ចជំនាញចរាចរទាក់ទងហៅរថយន្តស្ទូចយកទៅរក្សាទុកនៅការិយាល័យចរាចររាជផ្លូវគោកធានីភ្នំពេញ រួមជាមួយអ្នកបើករងចាំដោះស្រាយគ្នាជាក្រោយ៕S
.....................
ប្រភព៖
CEN
Share this on facebook